عندما قال لي رياض الهمشري معاك بعيش يافنان
ولسه الأعلام المصري بيخدع الأمريكان ....زي الشعب المصري الغلبان ....نبيل بكير 13- 5 – 2003م
رسمت لوحة فيها أبراج بس مش أبراج حمام ..أبراج كل دور فيها حكاية فرح وألم وأحزان ..وناس ماشية في حارات وناسة ساكنة المقابر وناس عالرصيف بتنام
رسمت مصر الكنايس والمساجد بلون الجرس والآدان ..وكتبت اسم مصر بعشرين لغة حمام طاير في كل مكان ....شافو الأمريكان لوحتي وقالولي بس مصر مش كده دي مصر هرم وجمل وصحرا يافنان ....زي ما شفناها في الصور وكروت المعايدة والتلفزيون بتاعكو كمان ....ضحكت وقولت في نفسي ليهم حق يضحكو مننا الأمريكان ...مسكت سماعة تليفوني واتصلت على الهمشري الفنان ...قلت له سمعت صوتك في الإذاعة من تلاتين سنة قلت مصر انجبت طفلها المعجزة وحيعرف العالم شكلها ..وإنها ..مش مجرد صحرا ومرعى للأغنام ...قال كنت لسة واد صغير عمري تمن سنين يافنان ... وثوما ساعدتني في مشواري وعبد الوهاب كمان ...وكتبلي الأبنودي كلام ولحنه عود فريد الأطرش زمان ...وعملت اوبرا عالمية ورتيبة الحفني ترجمتها بخمس لغات انجليزي وفرنساوي وايطالي والماني وروسي كمان ....وغنيت في اوبرا فينسيا بالإيطالي وبقيت سوليست في كورال أطفال ...وعرفتني صحافة مصر والألمان ...محمود أمين العالم ورجاء نقاش والشاعر محمود اسماعيل والحجاوي وولاد زكريا أحمد وسيد درويش كمان .....مثلت وغنيت دور محمد فوزي وادوني وسام الجيش المصري بعد حرب الإستنزاف ...وعملت شرقيات مع فتحي سلامة ولفينا بيها اوروبا وسجلناها اسطوانات وشرايط وسجلناها في اذاعة المانيا كمان ...ولحنت لنفسي شريط وللحجار ولمدحت صالح ومحمد الحلو كمان ....إنت نسيت يافنان ..دا أنا حتى هديتك ولاطير ولاشاطئ لمحمد فضل لما كنا في كان ...فاكر لما أنت قلت انا حاسس انو انكسر جوانا شئ قمت قلتها لبهاء وكتبها ولحنتها وغناها علي بدل مايغنيها علاء ...فاكر اما قلتلي الحجار صوته صوت مصر الحزين مش علاء ....فاكر يافنان ....لما قلت لك مصر فيها ولاد زي العسل مايتخيروش عن الفنان ...منير وعجاج وشيرين وغادة ونوال وبنت سليمان أنغام ...قلت له ياهمشري لحنلي لحن يرجعني لتراب مصر حتى ولو ملفوف في الأكفان ...قال بعيد الشر عنك دا انتا اللي علمت الأمريكان ...يعني ايه لون من الذهب تترسم بيه الصور حتى ولو على قماش تعبان ....معاك بعيش يافنان ......على عيني اسيبك واخلص المكالمة بس عندي لحن ححضره عن ذكرى نصر اكتوبر بتاع زمان ....عشان حايسمعه الشيخ مبارك ...................الثعبان .
ليست هناك تعليقات:
إرسال تعليق